โควิดซา เลยมาบอกข่าว

ตั้งแต่เดือนพฤศจิกายนปีที่แล้ว หลังน้ำท่วมใหญ่แถวกระท่อมน้อยทิดหมู (กระท่อมน้อยฮิมมูล) พอน้ำลดก็แล้งทันทีเลยพี่น้องเอย ที่เคยๆ ท่วมกะจักไหลไปไสเบิดบ่เหลือขังในนา พอข้ามปีใหม่มากะคาแต่ไปทำมาหากินตามประสา ไปส่อยพี่น้องทางบ้านฟื้นฟูเฮือนชาน ซ่อมแซมบ้านที่ผุพังเพราะน้ำคราวนั้น ที่ลำบากสุดๆ แหม่นล้างขี้ตมขี้เลนออกจากเฮือนนี่หละ ยากกว่าแนวอื่นหลายเด้อ

ลำบากฮอดหมาพี่น้อง ต้องอาศัยเฮือเป็นบ่อนอยู่อาศัย ไป-มา ลำบากอยู่เป็นเดือนกว่าสิเป็นปกติ แต่กะบ่นานท่อใด๋กะผจญกับภัยร้ายตัวใหม่อีก

หลังฉลองปีใหม่ได้บ่นาน ข่าวร้ายก็มาเลย โรคระบาดร้าย “โควิด-19” ลามจากเมืองจีนมาสู่เมืองไทย ทุกสิ่งอย่างที่เคยเฮ็ดเคยสร้างก็หยุดไปเบิด การทำมาหากินฝืดเคือง คนที่เคยมีงานกะตกงานแบบบ่ทันตั้งโต ทิดหมูกะคือกันได้อาศัยหากินเมาะๆ แมะๆ แถวบ้านนี่แหละ พอได้เลี้ยงปากเลี้ยงท้อง อ่านเพิ่มเติม →