คลังเก็บหมวดหมู่: อาชีพทำมาหากิน

ลาทีปีเก่า ๒๕๖๐

ายใจถิ่มไปอีกหนึ่งปี ผู้ลางคนสาบถสาบานว่าสิเฮ็ดนั่น เฮ็ดนี่ จนสิเบิดปีแล้วกะยังบ่ทันได้เฮ็ดอีหยัง อายเจ้าของบ่หน่อ เหอๆ บ่มีไผฮู้ บ่มีไผเห็น เทวดา นางฟ้า กะบ่ทวง แต่มันกะสิอยู่ในใจนี่หล่ะ ปีหน้า 2561 กะอย่าสิไปสาบถสาบานเพิ่มอีก ไปเฮ็ดอันเก่าให้มันแล้วก่อนน้อพี่น้อง อย่าสิถามว่า จ่มให้ไผ จ่มให้เจ้าของนี่หละ หึหึ…

ใกล้สิเบิดปี 2560 แล้ว ปี 2561 กะขอให้โชคให้หมาน ผ่านพ้นไปหม่อนๆ เด้อพี่น้องเอย อยู่ดีมีแฮงสู่ผู้สู่คน อย่าสิไปหวังแต่สิถืกลอตเตอรี่ 30 ล้านคือเผิ่นเด้อ มันสินอนบ่หลับย้านเขาลัก ญาติพี่น้องบ่เคยพ้อกันหลายปี เป็นสิบพุ้นละแหม่ กะสิมาทวงบุญคุณ มึงจำกูบ่ได้บ้อเคยอุ้มเคยป้อนเข้ามึงแต่น้อย พะนะ! กูละงึดคันบ่ถืกหวยรวยเบอร์ทุกข์ๆ นี่บ่มีพี่มีน้องน้อ…

อ่านเพิ่มเติม

คำฝากจากแม่

สมัยนี้หนุ่มสาวบ้านเฮาต่างกะหันหลังให้บ้านเกิด หันหน้าเข้าสู่เมืองหลวง หรือเมืองใหญ่ ไปขายแรงงานกัน ถิ่มให้พ่อ-แม่ ปู่-ย่า ตา-ยาย อยู่เฝ้าบ้าน เฝ้าไฮ่ เฝ้านา หวังว่าลูกหลานสิส่งเงินมาพอให้เลี้ยงชีพ บางคนกะกลับมาปีละเทื่อ หรือสองเถื่อ ยามปีใหม่ สงกรานต์ หรือเข้าพรรษา พากันมาทอดผ้าป่ายามบ้าน แต่บางคนกะไปลับไปลา บ่ส่งขาวคราวกลับมาจักเทื่อ ปล่อยให้ผู้เฒ่าคองถ้าอยู่สู่ยาม

มื้อนี้เลยมีกลอนลำ  : (ลำล่อง) คำฝากจากแม่ โดยศิลปิน : สนธยา กาฬสินธุ์ คำร้อง-ทำนอง : อ. บุญมา สุตะคาน เรียบเรียง-ดนตรี : อ. วาท วาทะศิลป์

อ่านเพิ่มเติม