บ่ได้มาเว้ามาคุยกับพี่น้องป้องปายมาดนเติบแล้ว จักแม่นยากอีหยังดอกบ่อยากโทษ “บักโควิด” กะสิได้โทษมันนี่หล่ะ ไปไสมาไสกะแม่นยากหลายน้อพี่น้อง แม้นว่าตอนนี้ทางราชการเพิ่นสิประกาศว่า มันลดลงแล้ว มันสิเป็นโรคประจำถิ่นคือกันกับไข้หวัด ไผบ่เคยเป็นสิบ่ทันสมัย พะนะ! มันแม่นอยู่บ้อพี่น้องว่า ผู้ข้าคือมาย้านแท้น้อบ่อยากพบอยากพ้อแหล่ว ขนาดบ่เป็นกะยังนอนหนาวอยู่ผู้เดียว คันติดบักโควิดมาสิบ่แม่นปานตายพุ้นบ้อ คือสิบ่มีไผมากายใกล้นั้นตี้ล่ะ
เดือนกรกฎาคมนี้ อุบลราชธานี ทางบ้านอาวทิดหมูเพิ่นกะสิมีงานใหญ่เด้อพี่น้อง บ่ได้จัดมา 2 ปีแล้ว ปีนี้จัดได้คักแหน่ ยิ่งใหญ่ ตระการตา คือเก่านั่นแหล่ว มาเบิ่งนำกันเด้อครับ “๑๒๑ ปี ทวยราษฎร์ใฝ่ธรรม งามล้ำเทียนพรรษา” มาเด้อมาม่วนนำกัน ระหว่างวันที่ ๑๑-๑๗ กรกฎาคม ๒๕๖๕ งานประเพณีแห่เทียนพรรษา อุบลราชธานี