มีนาคม 17, 2018 | 4,495 views

ฝนหลงฤดูมาอีกแล้ว

เช้าวันนี้ (17 มีนาคม 2561) ฝนหลงฤดูมาแต่เช้าเลยครับ ตั้งแต่หกโมงเช้าจนถึงตอนนี้สามโมงครึ่งก็ยังไม่หยุดตกอีก ตกหนักสม่ำเสมอยาวนานแบบนี้มันผิดฤดูแล้วครับ สงสารลูกหมาทั้งสองตัวที่บ้านไม่ได้วิ่งเล่นเหมือนเคย นอนมองเม็ดฝนทำตาปริบๆ กันไป ได้ยินแต่ข่าวทางอื่นมีพายุลมแรง โชคดีที่บ้านผมมีแค่ฝนกับเสียงคำรามของฟ้า มะม่วงที่มีก็คงพอได้กินไม่ร่วงหล่นเสียก่อน อย่ามีมาเลยลมผมกลัวครับ

บ่ทันเถิงเดือนห้ากะคือสิฟังเข้ากันได้อยู่น้อครับพี่น้อง  อากาศปีนี้มันกะวิปริตแปรปรวนอยู่ คึดอยากหนาวกะหนาวมาโลดแบบบ่ให้ตั้งตัว กรมอุตุนิยมประกาศเข้าสู่ฤดูฮ้อนแล้ว ฝนผัดเทลงมาบักอย่างคัก โอย… ฮอดเมษานี้สิเป็นจั่งใด๋น้อ สิฮ้อน สิฝน หรือสิหนาว กะบ่ฮู้คือกัน คันเมือยามบ้านเดินทางกะให้ระมัดระวังเด้อครับ ขับรถขับรากะอย่าสิประมาท อย่าใกล้ของมึนเมามันสิเมือบ่ฮอดบ้าน พ่อใหญ่แม่ใหญ่เลาถ้าคองอยู่ด้วยความเป็นห่วง เลาว่าต้องขนของเมือหลายดอกเอาแต่เงินไปกะพอทางบ้านเฮาเดี๋ยวนี้เจริญแล้ว ของอันใด๋กะมีขายคือกันกับกรุงเทพฯ ราคาเดียวกัน ไปซื้อเอาอยู่บ้านเฮากะได้

คันพอมีเงินตั้งโตได้กะอยากให้ลูกหลานได้กลับเมือบ้าน ไปเฮ็ดกินอยู่ไฮ่นาบ้านเฮา ตามคำพ่อหลวงเพิ่นสอนไว้ อยู่อย่างพอเพียงบ่อดตายแน่นอน มาฮ่วมสร้างสรรค์บ้านเฮากันได้อยู่พร้อมหน้าสู่คนเด้อพี่น้อง

ขอฝากความคึดฮอดคึดเถิงสู่ผู้สู่คนเด้อครับ ลูกอีสานบ่ว่าสิไปอยู่ทางใด๋กะยังฮักแพงกันคือเก่า อย่าสิถิ่ม สิป๋ากันเด้อพวกเฮา

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *