คลังเก็บป้ายกำกับ: ทุ่งนา

ลาทีปีเก่า ๒๕๖๐

ายใจถิ่มไปอีกหนึ่งปี ผู้ลางคนสาบถสาบานว่าสิเฮ็ดนั่น เฮ็ดนี่ จนสิเบิดปีแล้วกะยังบ่ทันได้เฮ็ดอีหยัง อายเจ้าของบ่หน่อ เหอๆ บ่มีไผฮู้ บ่มีไผเห็น เทวดา นางฟ้า กะบ่ทวง แต่มันกะสิอยู่ในใจนี่หล่ะ ปีหน้า 2561 กะอย่าสิไปสาบถสาบานเพิ่มอีก ไปเฮ็ดอันเก่าให้มันแล้วก่อนน้อพี่น้อง อย่าสิถามว่า จ่มให้ไผ จ่มให้เจ้าของนี่หละ หึหึ…

ใกล้สิเบิดปี 2560 แล้ว ปี 2561 กะขอให้โชคให้หมาน ผ่านพ้นไปหม่อนๆ เด้อพี่น้องเอย อยู่ดีมีแฮงสู่ผู้สู่คน อย่าสิไปหวังแต่สิถืกลอตเตอรี่ 30 ล้านคือเผิ่นเด้อ มันสินอนบ่หลับย้านเขาลัก ญาติพี่น้องบ่เคยพ้อกันหลายปี เป็นสิบพุ้นละแหม่ กะสิมาทวงบุญคุณ มึงจำกูบ่ได้บ้อเคยอุ้มเคยป้อนเข้ามึงแต่น้อย พะนะ! กูละงึดคันบ่ถืกหวยรวยเบอร์ทุกข์ๆ นี่บ่มีพี่มีน้องน้อ…

อ่านเพิ่มเติม

วิญญาณอีสาน

จอคำถามว่า “เจ้าเป็นคนอีสานอีหลีบ่ อ้ายแอดมิน” สิตอบจั่งใด๋น้อจั่งสิเชื่อกันบาดนี่ แอดมินเกิดบ้านนอกครับ แม่ว่าทำคลอดโดยหมอตำแย ในหมู่บ้านหนึ่งในอำเภอเดชอุดม จังหวัดอุบลราชธานี (เมืองดอกบัว) ฮ่ำเฮียนชั้นประถม 1-4 ในหมู่บ้าน (ตามประวัติที่พอจดจำได้ ดื้อหลาย ใช้กระดานชนวนเปลืองขนาด ย้อนว่าตีกันกับหมู่แล้วมันแตกตอนถืกหัวหมู่ประจำ ถืกคุณครูประจำชั้นบิดไส้ประจำ และถืกลงโทษให้ถอนดอกบักหญ้าออกจากขาส่งให้คุณครูเพื่อลบล้างควมผิด) บ้านนอกพอบ่ครับ เหอๆๆ…

จากนั้นมา ปู่เห็นว่าเฮียนอยู่บ้านนอกคือสิบ่รอดเป็นนักเลง เลยส่งมาเฮียนโรงเรียนเทศบาลในเมือง จั่งฉายแววคนเฮียนดีเฮียนเก่ง สอบได้ทุนเป็นประจำจนจบชั้น มัธยมต้น ทางบ้านอยากให้เป็นครูเลยไปสอบเข้าเรียนที่ วิทยาลัยครูอุบลราชธานี (ชื่อในสมัยนั้น) จบชั้น ป.กศ.สูง ไปสอบเป็นครูได้ตั้งแต่สมัยประชาธิปไตยเบ่งบาน อยู่นาน 30 กว่าปี จนเกษียณอายุมาจ่มอยู่บ้านนี่หละ

อ่านเพิ่มเติม

ฟังเพลงเพลินใจ

าระงับความทุกข์ระทม ด้วยการย้อนฟังเพลงแห่งความหลังกันครับ สมัยเป็นบ่าวน้อยมักหลายเพลงนี้ กุหลาบปากซัน ประพันธ์เนื้อร้องทำนองโดย จำปา ลัดตะนะสะหวัน ใช้ชื่อผู้แต่งว่า สุลิวัด เมื่อปี 2502 เมื่ออายุได้ 24 ปีขับร้องครั้งแรกโดยสันติ พิมสุวัน MV นี้ขับร้องโดย บัวเงิน ซาพูวง ເພງກຸຫຼາບປາກຊັນ ປະພັນເນື້ອຮ້ອງ ທຳນອງໂດຍ ສຸລິວັດ ຫຼື ຈຳປາ ລັດຕະນະສະຫວັນ ຮ້ອງເທື່ອທຳອິດໂດຍ ສັນຕິ ພິມສຸວັນ ເພງນີ້ຮ້ອງໂດຍ ບົວເງິນ ຊາພູວົງ ทำคาราโอเกะเนื้อร้องภาษาลาว/ไทย โดยอาจารย์สานิตย์ โภคาพันธ์ อดีตอาจารย์มหาวิทยาลัยราชภัฏอุบลราชธานี


ต้องขออภัยที่คลิปของอาจารย์สานิตย์มีปัญหาในการเผยแพร่ ดูคลิปนี้แทนครับ

อ่านเพิ่มเติม

คึดฮอดบ้านบ่ครับ

ปีใหม่แล้ว หลายคนได้เมื่อยามบ้าน หลายคนมีเวียกงานลาบ่ได้ กะได้แต่ฟังเสียงคึดฮอดทางโทรศัพท์ ขอเพลงส่งใจเมือบ้านเกิด เอาไว้สงกรานต์จั่งสิต่าวคืนเด้อแม่เด้อ ได้ฟังเสียงแคนแล้วผัดแห่งน้ำตาไหล อยากไปนอนนาเด้น้อ

อ่านเพิ่มเติม