คลังเก็บป้ายกำกับ: สวัสดีปีใหม่

สวัสดีปีใหม่ ๒๕๖๒

วัสดีพ่อแม่พี่น้องป้องปายทั้งหลายครับ บ่ได้มาเขียนก่อนหน้านี้เพราะเวียกงานรุมเร้า กับสภาพร่างกายที่เจ็บป่วยบ่สบาย ไข้หัวลมอ่วยน้อ ส่างไข้แล้วคึดฮอดกะเลยมาเว้ามาคุยจักหน่อย ปีใหม่นี้กะขอให้ทุกท่านโชคหมานในหน้าที่การงาน มีความมั่นคงทางเศรษฐกิจการเงิน ทำมาหากินได้ตามอัตภาพแห่งกำลังวังชาและความขยันสู้งานของทุกคน ตนเป็นที่พึ่งแห่งตน ยึดถือเอาแนวปฏิบัติเศรษฐกิจพอเพียงของพ่อหลวงรัชกาลที่ ๙ ของเฮาเอาไว้ อย่าไปเปรียบเทียบกับผู้อื่นให้เปรียบเทียบกับเจ้าของนี่แหละ ปีที่ผ่านๆ มาเป็นจั่งใด๋ ปีนี้ดีขึ้นบ่ ปีที่ผ่านมาพลาดพลั้งเรื่องใด ปีนี้กะมาแก้ไขให้ดีขึ้น แล้วสิประสบแต่ความสุขครับ

อ่านเพิ่มเติม

ลาทีปีเก่า ๒๕๖๐

ายใจถิ่มไปอีกหนึ่งปี ผู้ลางคนสาบถสาบานว่าสิเฮ็ดนั่น เฮ็ดนี่ จนสิเบิดปีแล้วกะยังบ่ทันได้เฮ็ดอีหยัง อายเจ้าของบ่หน่อ เหอๆ บ่มีไผฮู้ บ่มีไผเห็น เทวดา นางฟ้า กะบ่ทวง แต่มันกะสิอยู่ในใจนี่หล่ะ ปีหน้า 2561 กะอย่าสิไปสาบถสาบานเพิ่มอีก ไปเฮ็ดอันเก่าให้มันแล้วก่อนน้อพี่น้อง อย่าสิถามว่า จ่มให้ไผ จ่มให้เจ้าของนี่หละ หึหึ…

ใกล้สิเบิดปี 2560 แล้ว ปี 2561 กะขอให้โชคให้หมาน ผ่านพ้นไปหม่อนๆ เด้อพี่น้องเอย อยู่ดีมีแฮงสู่ผู้สู่คน อย่าสิไปหวังแต่สิถืกลอตเตอรี่ 30 ล้านคือเผิ่นเด้อ มันสินอนบ่หลับย้านเขาลัก ญาติพี่น้องบ่เคยพ้อกันหลายปี เป็นสิบพุ้นละแหม่ กะสิมาทวงบุญคุณ มึงจำกูบ่ได้บ้อเคยอุ้มเคยป้อนเข้ามึงแต่น้อย พะนะ! กูละงึดคันบ่ถืกหวยรวยเบอร์ทุกข์ๆ นี่บ่มีพี่มีน้องน้อ…

อ่านเพิ่มเติม