มิถุนายน 10, 2017 | 4,786 views

คำฝากจากแม่

สมัยนี้หนุ่มสาวบ้านเฮาต่างกะหันหลังให้บ้านเกิด หันหน้าเข้าสู่เมืองหลวง หรือเมืองใหญ่ ไปขายแรงงานกัน ถิ่มให้พ่อ-แม่ ปู่-ย่า ตา-ยาย อยู่เฝ้าบ้าน เฝ้าไฮ่ เฝ้านา หวังว่าลูกหลานสิส่งเงินมาพอให้เลี้ยงชีพ บางคนกะกลับมาปีละเทื่อ หรือสองเถื่อ ยามปีใหม่ สงกรานต์ หรือเข้าพรรษา พากันมาทอดผ้าป่ายามบ้าน แต่บางคนกะไปลับไปลา บ่ส่งขาวคราวกลับมาจักเทื่อ ปล่อยให้ผู้เฒ่าคองถ้าอยู่สู่ยาม

มื้อนี้เลยมีกลอนลำ  : (ลำล่อง) คำฝากจากแม่ โดยศิลปิน : สนธยา กาฬสินธุ์ คำร้อง-ทำนอง : อ. บุญมา สุตะคาน เรียบเรียง-ดนตรี : อ. วาท วาทะศิลป์

ฝากแหน่เด้อ คึดฮอดคนทางบ้านแหน่ ลำพังเงินผู้เฒ่าแต่ละเดือนมันบ่พอกินพออยากดอกลูกหลานเอย ผู้ลางคนบ่ท่อนั้น พากันไปทำงานออกจากบ้านไปพ้อเนื้อคู่อยู่กินกัน จนได้ลูกน้อยจั่งคึดฮอดพ่อแม่อยู่บ้าน เลยหอบเอาหลานมาให้ผู้เฒ่าเลี้ยง เดือนแรกๆ กะส่งเงินมาให้คือ บาดดนไปผัดลืมซ้ำ เลยคึดฮอดเพลงนี้ ตายายกับหลานน้อย ของ ศิริพร อำไพพงษ์ ขึ้นมาเลยทีเดียว

อีสานบ้านเฮา ถึงจะแห้งแล้งแต่ถ้าเข้าใจธรรมชาติ หาอยู่หากินโดยยึดหลักเศรษฐกิจพอเพียงของพ่อหลวงรัชกาลที่ ๙ กะบ่อึดอยากเด้อลูกหลานเอย พากันกลับมาพัฒนาบ้านเฮากันเถาะ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *